علي الرغم من أن الشاب، يكون في توازن اقتصادي بمرحلة ما بعد العشرين عامًا، ويمكنه أن يستمتع بالحياه كما يريد دون ضغوط، إلا أنه يجد أن مرحلة الفصل بين ماكان يفعله في الماضي وهو طفل أو صبي ومابين عمره بالمرحلة التعليمية، وآخر ماوصل إليه بالحياه.
ترصد "اهل مصر"، أهم 10 علامات لمعرفة كبر سنك وأن الحياة أصبعت لاتفرق معك شيئًا:
1- "مبقاش عندك ولا أغنية ع الموبايل ولما تحب تسمع أغاني بتسمعها من على الإنترنت".
2- "رنة موبايلك من رنات الموبايل، العادية مش أغنية، وتليفونك يا silent يا vibration، ومبتردش علي أي رقم غريب، وكل ما حد يتصل بيك تشيل الهم".
3- "إضاءة موبيلك بقت خافتة لأنه بقي بيضايقك وبالليل بتقفل الإضاءة خالص".
4- "مبقتش بتحب الخروج زي الأول، ولا بتهتم تروح أماكن فخمة قد ما تكون مكان لطيف مفهوش ناس كتير وياسلام لو قعدنا في العربية نشرب حاجة في السريع ونروح".
5-"اللبس بالنسبالك، بقي شيء ثانوي، وبتلبس اللي يريحك، اللي هو غالبًا بيبقي بنطلون ترنج وتيشرت وشبشب".
6- "بطلت تتناقش وبتسمع أكتر ما بتتكلم، ومش مهتم تعرف اي حاجة عن حد ولا عايز حد يعرف حاجة عنك".
7- "رأي الناس بالنسبالك مش مهم".. "مش مهم أبدًا".
8- "أنك تنام كويس كل يوم بالنسبالك دي الدنيا وما فيها".
9- "مبقتش بتحب الزحمة، ولا الصوت العالي، ولا التليفزيون، وأنك تختلي بنفسك في أوضتك في الهدوء ده قمة الجبل بالنسبالك".
10- "مبقاش في حاجة بتبهرك".. "والله لو قالولك سوبر ماريو بيتمشي في وسط البلد مع التنين الأخضر"،" برضو مش هتهتم ولا هتقوم من مكانك، بس هتنبسط أنهم أخيرًا اتصالحوا".
تابعوا آخر أهل مصر على Google News
