دافعت الفنانة نيللي كريم، عن الممثل الشاب أحمد مالك، صاحب فيديو "الواقي الذكري" الشهير الذي سخر خلاله من الشرطة المصرية خلال الاحتفال بالذكرى الخامسة لثورة 25 يناير.
وكتبت "نيلي" عبر حسابها الخاص على موقع التواصل الاجتماعي "فيس بوك": "معلش أنا اتأخرت على كلامي عن أحمد مالك اللي باعتبره زي ابني، دي صورة من فيلم "اشتباك " اللي قعدنا نصوره في شهور وكلنا مع بعض في عربية ترحيلات، وشرط الفيلم ده إن كان لازم نكون مع بعض طول الوقت، سيبك إن أحمد فنان موهوب وليه مستقبل كبير علشان هو فنان حساس وصادق".
وقالت "نيلي": "أهم شيء إن هو انسان حقيقي يعني صادق بيعمل اللي بيحسه، أحمد غلط واعتذر، طيب انتم ما فيش حد فيكم غلط قبل كده ما فيش حد من عياله وإخواته أو أصحابه غلط قبل كده".
وأضافت: "ما تفكر دقيقة قبل ما تحاكم حد اقعد مع نفسك واستغفر ربنا قبل ما تكتب كلمة عن حد ما تعرفوش، بجد يا ساتر عليكم يا ناس، أحمد أنا سعيدة إني اشتغلت معاك وإنت عامل دور جامد في فيلمك الجديد "اشتباك"، وإن شاء الله نشتغل مع بعض تاني وخامس".
تابعوا آخر أهل مصر على Google News
