قال الدكتور معتز عبد الفتاح، أستاذ العلوم السياسية بجامعة القاهرة، حول انسحاب المحامي خالد علي، من الترشح لانتخابات الرئاسة 2018: "من ساعة ما اتولدت وكل مرشح يرى أن موقفه ضعيفًا بيقول بتعرض لتضييقات".
أضاف عبد الفتاح، خلال تقديمه برنامج "الطريق إلى الاتحادية"، عبر فضائية "أون لايف"، مساء اليوم الأربعاء: "اللي عايز يرشح نفسه ينزل براحته، لكن كان المفروض يستعد من بدري ويكون له أرضية".
تابع: "أنا اتصالي بخالد علي ضعيف جدًا، لكن لو أنا بقوله ماتبصش للانتخابات الجاية، جهز للانتخابات اللي بعدها واللي بعدها عشان تكتسب خبرة، جاك شراك في فرنسا نجح بعد ما شارك في 5 انتخابات".
واصل: "خلي خطابك منطقي، لأنك لن تقنع الناس إلا بما هو مقنع، هتأمم تاني وترجع عصر عبد الناصر تاني مثلًا؟ وحديثي هنا ليس موجه فقط لخالد علي ولكن للخطاب اليساري في مصر".
تابعوا آخر أهل مصر على Google News
