انتقد الإعلامي أسامة كمال، مقدم برنامج "مساء dmc"، من سماهم المعارضين للبرنامج النووي المصري، موجها لهم عدة تساؤولات حول دور مصر في الصراع النووي الذي يدور في العالم كله.
واستعرض كمال خريطة هذا الصراع الذي تضمن توجهات السعودية لبناء مفعلات نووية، على غرار التوجه الإماراتي، ووسط البرنامج النووي الإيراني وتملك إسرائيل لبرنامج لم يصبح سرا.
وقال كمال:"دة اسمه ايه دة يا ولاد؟ اسمه صراع نووي شرق أوسطي وللا اسمه ايه؟ اتفاق من 2009 عاملاه الإمارات لمفاعلات سلمية، ممكن الإمارات تغيرها لو جيرانها مالتزموش، والسعودية هتعلن وتبدأ، وطبعاً إيران شغالة بالاتفاق مع الأمريكان واسرائيل سلاحها النووي مابقاش سر، وباكستان معروفة".
وأضاف:"طب ومصر يا شباب؟ مصر تضيع في الرجلين؟ تبقى قاعدة كل اللي حواليها عنهم قدرات نووية سلمية أو عسكرية ومصر قاعدة بتتفرج؟ أسئلة للي بيعارضوا ان مصر تبني مفاعلات نووية، سلمية طبعاً، في الضبعة".
وتابع:"مش عارف ليه لما باطلع افسر الكلام دة بلاقي ناس تطلع تسب وتلعن؟ يا سيدي أنا معلوماتي قليلة زيك، لكن بحاول احط معلومة قديمة كلنا عارفينها، جنب معلومة جديدة ماهياش سر وأطرح سؤال، سؤال مش أكتر".
تابعوا آخر أهل مصر على Google News
