عبر الكاتب "عمر طاهر" عن سعادته بغناء المطرب "رامي صبري" لأغنية "حبيبي الأولاني" بعد أن فقد الأمل في تحويلها إلى أغنية وذلك عبر صفحته الرسمية على موقع التواصل الاجتماعي "فيس بوك".
حيث وجه "طاهر" رسالة عبر الفيسبوك للمطرب رامي صبري قائلا: "هافضل مدين بالشكر لرامى أنه أول واحد يخلى كلامى يتحط على مزيكا.. بعد ما كنت فقدت الامل إن ده يحصل وقفلت باب كتابة الغنا فى حياتى للأبد.
وأضاف طاهر "هافضل فاكر الركن الضلمة اللى قعدت فيه علشان أكتب على المزيكا اللى رامى جايبها وبيطلب منى أرجع ف كلامى وأجرب أكتب المرة دى بس.. الركن اللى كان ماليه سؤال ليه الغنا رافضنى.. وليه لما رميته من حساباتى جى يترجانى؟".
وتابع "ماكنش فيه حاجة ممكن تخلينى أرجع ف كلامى لولا مطرب جديد ب أحبه ودى أول غنوة هيقدمها للناس وواقف مستنى كلمتين يقول بيهم أنا موجود.. الغنوة دى اتكتبت لوجه الصداقة وماكنتش ناوى أرجع تانى لكتابة الأغانى.. لولا إنه هو اللى بيطاردنى.. كتبت بعد الغنوة دى كتير.. بس مافيش زى أول مرة يجى لك كلامك من شباك بعيد ماتعرفش أصحابه وأنت ماشى فى الشارع لوحدك.... ممكن أنسى أسمى أنسى الناس أنسى أعيش بس أول مرة أحب مابتتنسيش. أو كما قال " وابتديت أعرف غلاوته لما راح".
تابعوا آخر أهل مصر على Google News
