أعرب المؤلف الغنائي أيمن بهجت قمر، عن استغرابه مما يجري مع لاعب النادي الأهلي السابق عبدالله السعيد، بعد أن قررت إدارة النادي إعارته لنادي فنلندي مؤخراً.
ونشر "قمر"، عبر صفحتة الرسميه على موقع التواصل الاجتماعي "فيس بوك"، صورة للاعب عبدالله السعيد وعلق عليها قائلاً:" محدش يقدر ينكر محبتي واحترامي للكابتن محمود الخطيب ومجلس إدارة النادي الأهلي بس ممكن برضه الواحد يختلف معاهم باحترام".
وأضاف: "بصراحه انا مش مبسوط من اللي حصل مع عبد الله السعيد، هل الأهلي باعه عشان مضى للزمالك؟ طب ما انتوا قدمتوا عرض أقل من اللي اتعرض عليه فكان طبيعي يمضي للزمالك وأثبت أولويته للأهلي لما مضى بعدها لما وافقوا يدفعوا له اللي طلبه عن طريق المستشار تركي الشيخ".
وتابع: "المشكله فين؟ ..إنه خاين ومضى للزمالك ؟ معنى كده ان أي لعيب من الزمالك مرفوض في الأهلي وممنوع نتفاوض معاهم لو هنعتبر اللي بيمضي او يلعب في الزمالك خاين ..وأعتقد التاريخ مليان بلاعيبه كتير اتنقلوا للفريقين".
تابعوا آخر أهل مصر على Google News
