علقت الفنانة ميرهان حسين على دورها في مسلسل أيوب الذي لاقى نجاحًا كبيرًا منذ ظهورها الأول على الشاشة، وذلك عبر صفحتها الشخصية عبر موقع الصور الشهير "انستجرام".
اقرأ أيضًا: ريم مصطفى تسخر من اسمها في "الوصية" (صور)
ونشرت "ميرهان" صورة لها من المسلسل عبر "انستجرام"، وعلقت عليها قائلة: "الحمدلله مبسوطة أوي بالجدل اللي حاصل حول شخصية رغدة الشخصية اللي بلعبها في مسلسل أيوب.. الجدل ده في حد ذاته نجاح".
وتابعت "انا استنيت دور زي ده يتعرض عليا كتير عشان للأسف معظم المنتجين والمخرجين مابيحبوش يغامروا وبيفضلوا يستسهلوا ويكرروا نفس الممثلين والممثلات في نفس الأدوار واحنا اللي بندفع الثمن تكرار الشخصيات عشان نتواجد.. فالحمد لله ان جاتلي الفرصة العب شخصية كنت بتمنى العبها لأني بحب الأدوار المركبة اللي بتعيش صراع داخلي لأن ده إنساني وحقيقي أكتر من الأدوار اللي بتكون فيها الشخصية خيرة على طول الخط أو شريرة على طول الخط".
وأضافت "الحياة أعمق من كده ومليانة قصص أقسى من اللي بنقدمها في الدراما.. وزي ما في ناس جدعة في ناس ندلة أوي وفي ناس بتحسبها غلط وكل شخص بيحسبها بطريقته، وكتير بيتخلو عن اخلاقهم و مبادئهم واقرب الناس ليهم حتى بيتخلو عن نفسهم بسبب الخوف... الخوف من الفقر الخوف من الحوجة الخوف من الدنيا، دي نماذج موجودة وحقيقية هدفنا نقدمهالكم زي ماهي بخطأها وصوابها وتصدقوها.. لما تصدقوها يبقا نجحنا".
تابعوا آخر أهل مصر على Google News
