تداول النشطاء عبر موقع التواصل الاجتماعي، فيسبوك، مجموعة من الصور لشخص يدعى محمد السيد الديدموني، ٣٨ سنة، يعاني من حالة مرضية تسببت في زيادة وزنه إلى حوالي ٤٠٠ كيلو، مطالبين ان يتبنى حالته أحد رجال الأعمال ويتكفل بمصاريف علاجه في أى مستشفى نظرا لصعوبة علاجه بالبيت.
وقال أحد النشطاء عن الحالة: "الراجل ده وزنه لا يقل عن 400 كيلو بسبب المرض مش بسبب الأكل، عنده أمراض كتير جدا، عنده ضغط على اعصاب العمود الفقري، وجسمه كله من اسفل في خدلان ومش بيعرف يتحرك، عنده ورم في بطنه وزن الورم بس ٥٠ كيلو تخيلو ورم ٥٠ كيلو، مراته عندها سرطان الثدي وتم استئصال ثديها وهي بتتعالج كيماوي حصل مشكله في علاجها وجالها جلطات ومضاعفات كتير وعندهم طفلين صغيرين".
وأضاف: "المهم ان محمد دا مشكلته انه مينفعش يتحرك خالص، فاي دكتور علشان يكشف عليه لازم يروحله البيت عنده في الاباجيه وهو ساكن في دور رابع او خامس، كذا حد يحاول يساعده بس مشكلته انه عاوز اكتر من دكتور لكثرة الامراض الي عنده، حالته دي هتتحل لو دخل مستشفي محترمة واتعملوا كونسولتو دكاترة عشان يقرروا الأفضل ليه، ولازم يتنقل بطريقه معينه ولازم تجهيزات معينه لنزوله من الدور الخامس او الرابع الي هو ساكن فيه دا غير ان سلم عمارته ضيق جدا".
وتابع: "المهم ياريت اي حد يقدر يساعد الراجل ده علشان حالته صعبة، للمتابعه وتوصيله بالحاله عبدالوكيل على ٠١٢٢١٢٤٦٠١٨، وعنوان المريض عشان تتأكدوا مساكن الإيباجية بلوك ١٨، مدخل ٣ شقة9".
تابعوا آخر أهل مصر على Google News
