نداء شرارة تتهم شيرين بالتخلي عنها في محنتها

كتب : شاهيناز خليفة

وجهت مطربة The Voice نداء شرارة، رسالة إلى شيرين عبد الوهاب بعد حديث الأخيرة عنها في برنامج "مجموعة إنسان" الذي يقدمه علي العلياني، على شاشة MBC.

وقالت شيرين خلال لقائها، إنها دعمت "نداء" في البرنامج، وطلبت من الجمهور منحها صوته في المرحلة الأخيرة حتى تفوز، مؤكدة أن "نداء" فهمت كلامها بشكل خاطىء، وأنها لم تطلب منها الغناء معها في مهرجان "بعلبك"، كما ادعت نداء شرارة.

وردت عليها نداء شرارة عبر صفحتها الرسمية على "انستجرام" في تسجيل صوتي، قائلة: "بالبداية خليني أشكرك على دعمك وعلى ثقتك وعلى كل مرة حكيتي للناس صوتولها.. بس خليني أقلك شيء إنتي اللي ربحتي مش أنا، أنا دينار واحد ما ربحت من ذَا فويس، أنا طيب خاطر منك بعد البرنامج ما صار، أنا ربحت شتايم وحكي طالع نازل وناس بتهاجمني، أنا هلا عّم بعمل لحالي اسم وجمهور بعد ما كسبت ثقة الناس وحبهم بصوتي بتواضعي بمبدأي بحبي لحالي".

وأضافت: "مش عارفة شو أقول لما تبقى فنانة بهذا الحجم ومش شايفتيني بعينك وما بدك تعترفي إنك عملتي معي موقف زي هاذ لأنه مش فارق عندك وأساسًا هاد موقف أنا سامحتك عليه، بلاش تطلعي تحكي بالمقابلة أنا دعمتها ودعمت أهلها وإصراري اللي نجحها وخليت أهل بلدها يدعموها.. ايش في ..؟ بنصحك تحكي جل من لا يسهو اللي نجحني بعد ربنا صوتي وحجابي كمان، وأنا ربنا وفقني عشان صافية نضيفة وأنا ما خليت مكان إلا شكرتك فيه بعد البرنامج مع إنك كنتي عارفة وضعي سيء ما عملتيلي ولا شي ولا فكرتي تعملي زي ما وعدتي.. اه وعدتي وأنا طبعًا ما بصدق عشان الدنيا كانت هاديتني وكاسرتني وما عندي ثقة بحد".

وتابعت: "خليني أقلكم عن دعم شيرين عبد الوهاب.. والله العظيم إني شفتك كم مرة بحياتي بس قلتي للناس تصوتلي دعمك على عيني وعلى راسي، وبالفعل إذا كان هدا جميل بقدرلك إياه لآخر يوم بعمري، بس بتحكي خليت بلدها يدعموها وإصراري نجحها.. اللي نجحني صوتي بس".

وأكملت: "بتحبي تعرفي قديش عانيت من بعد البرنامج؟ بتحبي تعرفي شو صار معي؟ بتحبي تعرفي دعمك؟ أنا بلحظة تمنيت لو أني ما شاركت بالبرنامج.. عن أي دعم بتحكي؟ أنا لولا اجتهادي كنت ما عرفت أثبت حالي، كسرتي خاطري لأول مرة، بحكيها عادي زيك زي كتير والله على ما أقول شهيد.. قلتيلي هطلعك معايا ببعلبك تغني ودي حاجة كويسة ليكي، حجزت تيكت وأوتيل على حسابي وكنت معييش أعيش أيامها، بس قلت يلا لازم أروح".

وأشارت: "عتبت عليكي عشان نسيتني مش عشان ما طلعت جنبك.. ما بدّي أخد جمهورك ولا شي.. قلتلك بالمسج أنا مش طمعانة غير بشوفتك.. قالتلي بالحرف الواحد أنا عرفت دلوئتي إنك زعلتي، أصل ساعات الواحد بينسى بناته.. هلا جاية بتقولي هيه افتكرت إنها هتطلع معايا؟ هو أنا يعني بدّي أجي أزعل أني ما طلعت معك؟ أقسم بالله أنا ما كنت هاكله هم غير أنه من وين بدّي ألاقي حدا يوصلني ع بعلبك وقتها لأن ما حدا كان داري عني".

وأوضحت: "بدّي أعتب، وبعدين قطعتي تواصلك معي.. ما حكيت عليكي بالعاطل.. ما قلت شي.. قلت عتبت عليها وحكيت الموقف بكل حب، وقلت نسيت عادي.. أنتي شيرين، إحنا مين علشان يطلعلنا معاكي".

وختمت حديثها قائلة: "أنا الشيء الوحيد اللي ربحتو من البرنامج هوه ثقتي بنفسي، ما ربحت لقب، خلي الألقاب لصحابها".