قال مرتضى منصور رئيس نادي الزمالك، خلال جلسته مع رجل الأعمال أحمد أبوهشيمة، "بنبارك لأحمد أبوهشيمة مش على شركة برزنتيشن لأ على قنوات (أون تي في)، أنا معايا توكيل من أحمد ونجيب ساويرس هو رجل مهذب لكن كان يمتلك عار بـ(أون تي في)، أولًا يسري فودة كان في (أون تي في) أستاذ ريم ماجد في (أون تي في) خالد تليمة في (أون تي في) ليليان داود في (أون تي في) الواد عبيط القرية في (أون تي في) كل دول كانو في (أون تي في) وياما قولتله".
تابع، "وعلى فكرة نجيب خسر ناس كتير والعبيط هو الواد اللي أسمه القرموطي علشان ماتزعلوش وبالمناسبة بقى القرموطي ده أنا عامله في بلده مشروعات بحوالي 10 مليون جنيه، أنا بقول عليه عبيط هما مسمينو هناك عبيط القرية ولما جاء مصر كان ساكن في حته كدة ناحية البدرشين كان عاوز يشتري موبايل فراح طلع الموبايل من الميكروباص راح واد ضربه على قفاه وخده منه، الكلام ده مش بقوله من دماغي كدة يعني".
تابعوا آخر أهل مصر على Google News
