خيّم الحزن علي أوجه المزارعين بمحافظة البحيرة، عقب انتشار فيروس "الجلد العقدي"، في أكثر من قرية تابعة لمركز الدلنجات علي رأسهم قرى (ابيوقا، ابسوم، كفر لحمير، الطود) ما أدى إلى انهيار مصدر رزق المزارعين عقب نفوق العشرات من رؤس الماشية.
وقال محمود عبدالمجيد، من قرية أبسوم الشرقية التابعة لمركز كوم حماده، إن فيروس العقد الجلدية انتشر في جميع المنازل داخل القرية والقرى المجاورة، وأصاب المئات من روؤس الماشية، مضيفًا: "يرضي مين اللي احنا فيه ده بيتنا اتخرب سواء من البقر اللي بيموت أو من العلاج والمصاريف اللي مش بتخلص".
وأشار محمود: "العلاج غالي على الفلاح، بس غصب عنه لازم يشترين حتى لو لزم الأمر يحرم أولاده من الأكل، أنا لحد دلوقتي صارف 3000 جنية علي بقرة واحدة ولسه في واحدة تانية تعبانة امبارح، أجيب منين فلوس، كل حاجة محتاجة فلوس البيت عاوز والأرض الزراعية عاوزة حتي البقر عاوزة، أموت نفسي ولا أسرق، حسبنا الله ونعم الوكيل".
وأوضح محمود، أن قرية أبسوم الشرقية، يوجد بها أكثر من مائتي رأس ماشية تعاني من المرض، منها ما نفق ومنها المريض تحت العلاج، مستطردًا: "فين الحكومة والمسؤولين حد يحس بالفلاح اللي بيته اتخرب، مفيش تحصين ولا في أي مساعدة من الدولة لينا".
تابعوا آخر أهل مصر على Google News
