محمد العدل يهاجم وليد فواز بسبب بيان طلاقه من مي سليم

كتب : حسام أحمد

هاجم المخرج محمد العدل المعروف بـ"ماندو العدل"، الفنان وليد فواز، بسبب البيان الذي نشره عن سبب طلاقه من الفنانة مي سليم، معبرا عن استيائه الشديد للبيانات التي تذاع بسبب الجواز والطلاق حيث نشر عبر حسابه الرسمي على موقع التواصل الاجتماعي "فيسبوك" وعلق عليه قائلا: "عيب قوي يا وليد يا فواز تعمل بيان تتكلم فيه عن حاجة خاصة جدا زي الجواز والطلاق وتقول اتسرعت وتلميحات مش تمام.. دي سيرة ست سييييييرة ست ملحوظة: اكتر حاجة ضحكتني في البيان.. موضوع جمهوري ده".

وكان وليد فواز كتب: "قدر الله ما شاء فعل.. اللي حصل النهاردة ده تصحيح لوضع كان من الأساس غلط والحمد لله أنه تم دلوقتي مش بعد كده، ورغم أن كتير افتكروا اني اتسرعت في إعلان الخبر على السوشيال ميديا.. إلا اني اتعودت اكون واضح مع نفسي وجمهوري اللي طلبت منه الدعاء بعد الضغط علي من قبل البعض وتصدير كم كبير من المشاكل، لدرجة وصلت للتشهير بيا لإصرارى على الطلاق"، مضيفًا: "انا بعترف فعلا اني اتسرعت في الجواز وافتكرت للحظة أن الحب كاف.. لكن في الحقيقة الحب مختلف تماما عن الواقع".