مرتضى للاعبي الزمالك: «مالكوش دعوة بالحكام.. كفاية اللي بعمله فيهم»

شن مرتضى منصور رئيس نادي الزمالك هجومًا عنيفًا على لجنة الحكام، خلال جلسته مع اللاعبين التي أقيمت بمقر النادي بيت عقبة.

ووجه رئيس الزمالك حديثه للاعبين، "قلت قبل كدة مفيش كلام مع الحكام، مفيش كلام مع الحكم يصفر يديك ضربة جزاء يديك جون مش جون إنذار متتكلمش معاه، الحكام يكفيهم اللي بعمله معاهم، إنت هيصطادك هيديك إنذار، هيوقفك إنت ملكش دعوة".

تابع: "واحد دخل عليك ضربك برجله وقعك تقعد تشارولي بالحكم عاوز تديله إنذار إنت مالك، إداله مدالوش عنه ما إداله ملكوش دعوة بالحكام، تاني بقولكم ملكوش دعوة بالحكام".

واصل: "الحكام برئيس اللجنة بتاعتهم لو عنده دم يستقيل الجهاز شاف الرسايل اللي بعتهاله لو هو عنده دم يستقيل، الكلام اللي أنا ببعتهوله يتكل عالله يمشي وهو خلاص ماشي عصام عبدالفتاح رجع وده رجل محترم ويكمل المسيرة إن شاء الله".