مصطفى يونس: العصابة تتحكم في اختيار المدير الفني للمنتخب

قال مصطفى يونس، نجم النادي الأهلي السابق إن هناك 4 أسماء تصلح لقيادة المنتخب المصري مع مدرب أجنبي وهم عادل عبدالرحمن، وأمير عزمي مجاهد وتامر حسن وعبدالظاهر السقا.

وأضاف الكابتن مصطفي يونس خلال ندوة "أهل مصر": "في 3 في مصر يصلحون لقيادة المنتخب مع مدرب أجنبي، نمرة واحد عادل عبدالرحمن، وأمير عزمي مجاهد وتامر حسن، دول أكتر 3 مدربين بيفهموا في الكورة".

وأضاف مصطفى يونس: "عادل عبدالرحمن مسك أكبر فرق في السعودية واشتغل معاهم وكمان واخد كورسات في التدريب، وأما تامر حسن فهو من أحسن الناس وهو اللي كان بيعمل كل حاجة مع منتخب الشباب".

وتابع مصطفى يونس: "في حد كمان ممكن يمسك الإدارة عبدالظاهر السقا، لكن انت عارف العصابة بقى اللي بقول لك عليها مش بيجيبو الأكفأ، بيبجيبو اللي تبع العصابة".

وتابع: "هاني رمزي أخد فرصته مرة واتنين وتلاتة وفشلت وكل من يعمل في اتحاد الكرة الآن كفاية عليهم كده، وانا مش بقول كده على هاني رمزي بالأخص، هاني رمزي الأقرب إلى قلبي".