ذكرت صفحة "أبلة فاهيتا"، على موقع "فيس بوك"، أن البيان الذي أصدرته الأسبوع الماضي كان صدمة لجمهورها وبالنسبة لها أيضا.
وجاء البيان كالآتي:
بونسوار..
هما كلمتين وأُرُڤوار..
عزيزي شادي: إنت شاب شاطر وموهوب وعارف غلاوتك عندي حتى بطيشك وجنونك وهزارك الثقيل. أنا متأكده أنك ماتقصدش غير انك تعبر عن رأيك.. انت شاب والشباب لما بيحبط بيلوش.. قلبي عندك وحضنك عندي.
عزيزي العسكري الغلبان: حقك علينا، إنت على راسنا من فوق طول مإنت بتحمي بيوتنا وبوتيكاتنا وحقوقنا، وحتى لو ده واجبك.. إحنا مقدرين ومتشكرين. ماتزعلش - ده شباب محبط وتقلها في الهزار.
عزيزي الشعب: أحضن نفسك، إنت مالكش غيرك.
عزيزتي حرية التعبير: متكاتفة معاكي ومش ناوية اسيبك، ده إنتي برضك يتيمة زي كارو.
أعزائي حبايبي وأعدائي: حقكم تاخدوا على خاطركم مني، البيان اللي نزل الاسبوع اللي فات كان ص دمة ليا قبل مايكون ص دمة ليكوا.. كنت فاكرة إني الأقوي وكلمتي هي اللي هتمشي، لكن طلع فيه الأقوى.. انا ست حرة ومابخافش ومش هأعيش غير حرة.. بيقولولي يا أبلة كان باين انه مش كلامك، خليكي ساكتة وبكره الناس هتنسى.. قولتلهم المهم انا إمتى هأنسى..
عزيزي ديوركس: إتنفخت إنت في القصة دي ..
عزيزتكم مهما شتمتوها،
الأبلة
تابعوا آخر أهل مصر على Google News
