اشتكى عدد من المواطنين بحي فيصل، بمحافظة القاهرة، من استمرار مشكلة انقطاع المياه بالساعات، مرددين "سنين من الوعود، سنين من الكذب، ويبقى الحال كما هو عليه"، وروجوا هشتاج #أزمة_انقطاع_المياه_بفيصل.
ورصدت "أهل مصر" معاناة أهالي فيصل، فقال الشاب حسن أحمد الساكن أمام مركز شباب المنشيه: "والله حرام حسبي الله ونعم الوكيل المياه بقلها 5 أيام مبتجيش خالص بعد مكانت بتيجي ساعة الفجر، وكنا راضين وبنقول الحمد لله، دلوقتي مفيش خالص الرحمه من عندك يارب".
وأكد الشاب محمد فهمي، أن لا يوجد مياه بمنطقة مدينة الرحمن ولا يوجد سوى عربات المياه التابعة للمحافظة قائلًا: "الله أعلم المياه نضيفة ولا"، بينما استنجد الشاب منير عبده بالحي قائلًا: "يا ناس يا بشر المياه فى الطوابق فيصل شارع الشهيد مقطوعة من يومين أرحمونا".
في لافتة مليئة بالأسى، عبرت عنها وفاء محمد "البلد ديه ليها ناس وناس، ناس مرتاحة فى كل حاجة، وناس تعبانة فى كل حاجة".
ويري الشاب طارق علي الحل في امتناع أهالي حي فيصل عن دفع فاتورة المياه ست شهور، علشان يحسوا بينا شوية، ويعرفو أننا شعب واعى وفاهم".
وأرجعت أمل محمد، سبب أزمة انقطاع المياه بصورة مستمرة لقلة مجهود المحافظة والحي قائلة: "عمر الأزمة ما هتنتهي لأنهم مش بيشتغلو أصلا مرددة "حسبي الله ونعم الوكيل"، مضيفة أن كلام محافظة الجيرة ورئيس الحي كلها أكاذيب والأزمة مستمرة بل في تزداد سوءًا.
وسخر محمود عمار من أزمة انقطاع المياه قائلًا: "ياجماعة المياه بقت بتيجي ساعتين في اليوم يبقي المحافظ قضي علي المشكلة فعلًا، والسنة الجاية بأمر الله هيكون قضي علينا كلنا"، وفي لافتة نقول عنها في مصر "هم يبكي وهم يضحك" سخرت هناء على من المشكلة قائلة: "محدش يعرف المياه فى كفر طهرمس بقت تيجى الساعة كام بالضبط علشان عايز استحمى ومش عارف".
تابعوا آخر أهل مصر على Google News
