أكد الفنان حسام الحسيني أن أغنية "ثمن اختيار" لنجم الجيل تامر حسني، ضمن ألبومه الجديد "عيش بشوقك" والذي طرحه أمس على صفحته الشخصية بموقع "اليوتيوب"، هي من أهم الأغاني له، ونشر الحسيني صورة لتامر حسني عبر صفحته الشخصية على موقع الصور والفيديوهات الشهير "إنستجرام".
وعلق حسني على الصورة قائلاً: "دي من أهم الأغاني اللي عملتها أولا لأن الناس متعودة مني على الأغاني السريعة اللي فيها حركة وأفكار مجنونة الكل ما يتخيلش إني ممكن أعمل حاجة فيها دراما وبالكم ده بس كالعادة تامر الأخ قبل النجم والصديق قرر يخوض بيا التجربة دي إيمانا بيا ولانه عارفني كويس وعارف أني بحب الدراما جدا ونفسي اعمل حاجة زي دي".
وتابع حسام: "بعيداً أن الاوديو لما سمعته مكنش عايز يخرج من وداني وقولتله وأحنا بنحصر ١٠٠ وش أني لازم أعملها وبعتله الفكرة في صور فوتوغرافيا جمعتها بتبين السكة اللي أنا عايز أروحلها وعجبته جدا وقاللي يلا نتكل على الله".
وأضاف الحسيني: "أيام ما صورت أغنية ما بنساش في لبنان لتامر وكريم محسن تامر يوم المونتاچ قالي أنا متخيلتش أن عندك حِس في الدراما بالشكل ده حِس مش حُس".
واستكمل حسام: "والنهاردة الأغنية نزلت وناس كتير كلمتني منهم زمايل ليا ومنهم أستاذي هادي الباجوري اللي اشاد بالكليب ككل وقالي أنت كده مخرج بجد لأنك بتتشكل صح حسب نوع الشغل اللي بتعمله و بتعمله بإتقان و تركيز ومش شبه حاجة حتي لو كنت متاثر بأغاني أجنبية فيها نفس الروح أو صور فوتوغرافيا شكرًا يا هادي أنا تلميذك و مبسوط أني أخيراً ركزت و خليتك تفتخر بيا".
اقرأ أيضاً.. انطلاق الحملة الدعائية لألبوم تامر حسني "عيش بشوقك"
وأنهي كلامه قائلاً: "شكرًا لتامر الأخ اللي بيخليني اطلع أحسن حاجة عندي من ثقته المتناهية فيا و في فريق العمل بتاعي شكرًا فريق عمل تامر عائلتي علي رأسهم بسمة و حسام و رومر. شكرًا لفريق عمل أمن بالفكرة معايا و طلعو أحسن حاجة عندهم عشان تطلع بالشكل ده روحو اتفرجو عليها حصريا علي قناة اليوتيوب الرسمية لتامر حسني".
تابعوا آخر أهل مصر على Google News
