وصف الشاعر "أيمن بهجت قمر"، المنتج "سالم الهندي" الرئيس التنفيذي لشركة "روتانا" بـ "الشيء"، بعد تطاول الأخير عليه ووصفه بالطماع، خلال حواره مع إحدى الإذاعات السعودية، وذلك على خلفية حق الأداء العلني ما أدى إلى انفصال "بهجت قمر" عن الشركة.
وكتب "قمر" عبر صفحته الشخصية بموقع التواصل الاجتماعي "فيس بوك"، "الشئ اللي أنا هشهره دلوقتي ده بيغلط فيا، وبيقول عليا طماع عشان كشفت أنهم بياخدوا تلت الاداء العلني بتاعي أنا، وعدد كبير من زمايلي من الساسام والساسام رجعوا لنا حقوقنا منهم بعد مشكلتي معاهم في روتانا".
وأضاف "قمر"، "الشئ ده اثبتلي أنه فمنصب كل همه يصحى يكوي جلبيته وبس ومش فاهم حاجه وبيتكلم، أنا على فكره عمري ما اتكلمت معاهم ف الديجيتال انا اتكلمت ف ادائي العلني وان يبقى عندي حريه ادي الاغنيه لمين يستغلها اعلان او لما تتغنى بره ودي ابسط حقوقي القانونيه يا جاهل يا شئ.. لو انا طماع ماكنتش خسرتكوا يا بو الجلاليب..عموما انا موافق ابقى طماع على الاقل افضل ما ابقى من الانطاع".
تابعوا آخر أهل مصر على Google News
