عبر النجم تامر حسنى عن سعادته الغامرة من ردود الفعل التى وصلت بسبب قرب طرح ألبومه الجديد «عمرى ابتدا».
وكتب تامر رسالة مؤثرة لجمهوره عبر حسابه «فيس بوك»: «في الحقيقه كنت هكتب الكلام ده يوم إصدار الألبوم لكن اللي شوفته من ردود افعالكم على الصوره خلاني احس اني نزلت الألبوم والأهم خلاني احس بحالة حب جميله من ناس اجمل والله فرحان بجد بيكوا من كل قلبي شكرًا لكل الناس الجميله اللي روحها طيبه اللي باركتلي على صورة الألبوم».
وتابع: «بجد ربنا يفرحكوا زي مافرحتوني بكلامكوا واوعدكوا بألبوم مختلف ان شاء الله فيه مجهود غير طبيعي وهتحسوا ده بنفسكوا من اول اغنيه لآخر اغنيه من حيث الكلمات والألحان والتوزيع والغناء والتطوير والجوده شكرًا لكل الفنانين الكبار المحترمين اللي صنعوا الألبوم وعشان كده انا هحرقلكم حاجه».
وأضاف: «انا جوه الغلاف كاتب جمله خاصه على صوره كبيره الجمله دي بهديها لكل حد حبني وصدق موهبتي من اول ما طلعت او حتى مؤخرًا والله كل كلمه طيبه بشوفها عني مكتوبه منكم بتأثر فيا بجد الجمله هي (شكرًا إنك في حياتي ) وزاي مانتوا غالين عندي كده. انا واثق ان كل حد فيكم عنده فحياته حد نفسه يقوله( شكرًا إنك في حياتي) انا عن نفسي الحد ده هو انتوا»
تابعوا آخر أهل مصر على Google News
