استنكر الفنان سمير صبرى تدني مستوى الأفلام السينمائية والاغانى وعدم إحتوائها على أى مضمون هادف، واصفا حال بعض ما يعرض من أعمال فنية سواء أفلام او أغانى ب " الإسفاف ".
وعلق الفنان سمير صبرى خلال ندوته بنادى اليخت بالاسكندرية على على أفلام الفنان محمد رمضان، قائلا: "محمد رمضان عيل غلبان لقى نفسه معاه فلوس كتير بدأ يشترى عربيات من هنا ومن هنا، إنما العيب مش عليه العيب على اللى بيقطع تذكرة وبيروح يشاهد الأفلام دى".
وأوضح النجم سمير صبرى، هناك نماذج محترمة من المطربين وكذلك الممثلين، مثل الفنان آمال ماهر والفنانة شيرين عبد الوهاب، ولكن العيب على الشباب الذى يشاهد أو يستمع لأفلام وأغان هابطة وغير هادفه.
ووجه صبرى رسالة للفتيات والسيدات " زمان فى الأفلام كانت الست أو البنت اللى بتظهر فى الفيلم بتشرب شيشة هى زعيمة عصابة او تاجرة مخدرات، دلوقتى نسبة البنات والسيدات اللى بيشربوا شيشه أصبحوا أكتر من الرجال"
تابعوا آخر أهل مصر على Google News
