طارق شوقي: "التعليم في فترة الستينات كان ممتاز.. وأنا مش خواجة"

رد الدكتور طارق شوقي وزير التعليم على الانتقادات التي وجهت له بسبب نظام التعليم الجديد قائلًا: عشان الناس اللي بيتهمونا إننا خواجات أنا خدمت في الجيش واتربيت في مدارس حكومية 9 سنين، والتعليم في مصر كان ممتاز خلال فترة الستينات، وكانوا بيدوروا علينا بره ياخدونا عشان نسافر بمنحة".

وقال شوقي، خلال كلمته في الندوة التي نظمتها جمعية محبي مصر السلام، وذلك بأحد فنادق القاهرة، بعنوان "التعليم أساس بناء الشخصية المصرية": أنا قعدت في أمريكا 17 سنة واشتغلت أستاذ في الجامعة هناك وعملت في الأمم المتحدة 13 سنة وده أتاح لى إني أرى كل أنظمة التعليم وأهميته في تقدم الأمم، مضيفًا: "اللي عندنا ده مسمهوش تعليم.. البعض يرى التعليم مجرد وجاهة وشهادة على الحائط".