علق مرتضى منصور رئيس نادي الزمالك على تأكيد سيد عبد الحفيظ، مدير الكرة بالنادي الأهلي، تمسكه برمضان صبحي في القمة ورفض ضمه لمنتخب الشباب، قائلًا: "لا يا سيد يا إخوانجي دي مصر بصرف النظر تاخد دوري الزمالك ياخد الدوري دي مصر يا حبيبي".
تابع، "إنت إخوانجي وقبلناك، لكن شغل البلطجة ده مش هيبقى في مصر هنا، ومعتقدش أن السيد محمود طاهر الوطني المحترم هيقبل هو ومجلس الإدارة هذا العبط والتهريج".
وواصل: "لا منتخب مصر أهم من الزمالك، ومنتخب مصر أهم من الأهلي، ومنتخب مصر أهم من الدوري، وولادنا اللي بيستشهدوا في سينا علشان مصر يا إخوانجي، أنا مش فاهم أنت اشتغلت إزاي في النادي الأهلي".
وأضاف: "إنت يا سيد مش هتضم لاعب لمنتخب مصر علشان ماتش كورة محلي، يعني إنت عندك الأهلي أهم من مصر.. دي مصر يا أخي اللي عملتك بني آدم، احنا بنتكلم عن نادي الوطنية مش ده نادي سعد زغلول يا عبد الحفيظ أفندي".
وأوضح: "ده النادي اللي حكمه قبل كده صالح سليم والفريق مرتجي اللي لو كان عايش دلوقتي كان علقك من رجليك.. دي مصر".
واختتم: "النادي الأهلي اللي صرف 186 مليون جنيه على لاعيبة السنة اللي فاتت واقف على لاعب محلي اسمه رمضان صبحي كان بيلعب في إمبابة".
تابعوا آخر أهل مصر على Google News
