نشرت مواطنة رسالة تحذيرية ترصد عددا من جوانب الإهمال داخل مطار القاهرة القديم، أسمتها "انتباه قبل الكارثة"، حيث أكدت أنها استطاعت تصوير عدد من الأمور التي تحدث داخل المطار، والتي قد تكون سببا في أعمال إرهابية تقع داخله.
وقالت السيدة في رسالتها التي تداولها نشطاء على موقع التواصل الاجتماعي فيسبوك: "أنا إمبارح كنت في المطار القديم صالة 1 وأقل شيء يتقال على المطار أنه شيء دون المستوى، انا كنت حاسة نفسي في محطة اوتوبيس، والناس بتدخل من غير تفتيش".
وأضافت: "الـgate متسابة بدون اي شخص، كل واحد رايح مكان غير الثاني لان مفيش حد يدلنا، وبعدين بعد ما قالولنا ان الطيارة من بوابة رقم 9 فوجئنا ان امين الشرطة بيزعق وطلعنا برة عشان نروح بوابة ثانية خالص، ولما روحنا البوابة الثانية قبل ما ندخل طبعا في تفتيش البوابة الالكترونية مش شغالة، امين الشرطة بيفتش بكل استهتار وبعدين ساب البوابة وطبعا كله داخل وطالع بدون تفتيش، وكان في طيار داخل بشنطة من غير ما يحطها علي جهاز التفتيش، وكمان العلبة اللي بتتحط عند جهاز التفتيش عشان يتحط فيها الموبايلات والساعات او اي حاجة صغيرة امين الشرطة اخدها وحط عليها الموبايل بتاعه وحاطه في الشاحن".
تابعوا آخر أهل مصر على Google News
