ردت الإعلامية ريهام سعيد، بشكل عنيف على تصريحات المطرب محمد رشاد، التي كتبها صباح اليوم مهاجمًا ما قدمته في حلقتها أمس الأثنين 22 أكتوبر من برنامج "صبايا"، والتي من خلالها أعلنت دخول خطيبته الإعلامية مي حلمي المستشفى بعد إلغاء حفل زفافهما.
ونشرت ريهام عبر حسابها على موقع "فيسبوك" بيانًا نص على: "أولًا أنا في حالة من صدمة من تصريحاتك، الصحافة بتتكلم لمدة 3 أيام ومقررتش ترد غير ليا مع اني الوحيدة اللي ما اتكلمتش على سبب الانفصال لأنه خاص بيك".
وتابعت: "ثانيًا مفيش حاجة اسمها حياة شخصية لشخصية امة وهي دي الضريبة وبالرغم من علمنا بالموضوع يوم الاحد ما ذعناش حرف يوم الاحد لحد ما الصحافة كلها اتكلمت ومي دخلت المستشفى ولحد ما كلمتها مكالمة وقالت هتتكلم في الموضوع في برنامجي".
وأردفت: "حضرتك قمت بتأليف سيناريو أن انا قلت انك اتخليت عنها ممكن يكون احساسك لكن انا ما قولتش حاجة شبه كدة حتى، انا قلت بتمنى انكوا تتصالحوا ولو ماحصلش يبقى خير ليكوا انتوا الاتنين".
اقرأ أيضًا.. رد ناري من محمد رشاد على ريهام سعيد.. ويكشف حقيقة إصابة مي حلمي بجلطة
واخيرًا كتبت: "انا قلت اني بتكلم عنها مش عنك لان البنت دايمًا بتتأثر بإلغاء الفرح أكتر من الراجل، استاذ محمد رشاد ال 5 دقائق اللي في صبايا اللي بتمنى فيهم الشفاء لزميلة وبواسيها ما يجوش حاجة جنب الاخبار اللي على المواقع ماتاخدش ريهام سعيد كبش فدا وركز في مرض خطيبتك والغاء زواجك اللي هما اهم بكتير، وللعلم مصادري من اقرب الاقربين لمي وموثقة بصور المحادثات، واخيرا زي ما قلت في الحلقة اللي انت ما شوفتهاش بتمنى لكم كل التوفيق".
تابعوا آخر أهل مصر على Google News
