انتقد الإعلامي توفيق عكاشة أجور الفنانين والممثلين المرتفعة التي تصل إلى ملايين الجنيهات، قائلًا: "لما نتحمل عشان الوطن وتيجي ممثلة تاخد 30 مليون جنيه، ليه هي بتقدم إيه؟".
وأضاف "عكاشة"، خلال تقديمه لبرنامج "مصر اليوم"، المذاع على قناة "الحياة": "مبيض المحارة أو النجار اللي بيتعب طول اليوم بياخد يومية لا تتجاوز 175 جنيه، وأنتي تبقي نايمة في بيتكم وعايزة مليون جنيه يومية؟".
وتابع: "هتقوليلي أنا مابشتغلش طول السنة، لو حسبنا الـ 30 مليون على شغل 3 شهور، بتاخدي 83 ألف جنيه في اليوم وإنتي نايمة في حمام البخار".
وأوضح الإعلامي أن مصر تستورد من الخارج بما يقدر بـ60 مليار دولار، فيما يبلغ حجم صادراتها 25 مليار فقط، وهو ما يسبب عجزًا يساوي 35 مليار دولار سنويًا، مضيفًا: "يبقى لما المصريين يشتغلوا ونزود الإنتاج كلنا هنرتاح والدولار هيهبط، والـ10 جنيه اللي مالهاش قيمة دي هتبقى زي الأسد".
تابعوا آخر أهل مصر على Google News
