كشفت يارا حسام حسن، تفاصيل جديدة حول إستقالة والدها المفاجئة من تدريب النادي المصري البورسعيدي، مؤكدة أن العميد سيعود إلى بورسعيد مرة أخرى.
ونشرت يارا على صفحتها عبر موقع التواصل الاجتماعي "فيس بوك":"عشان ناس كتير بتبعتلى من امبارح بخصوص رحيل والدى من المصرى.. انا عاوزة اقول حاجة هو و عمى عمرهم ما كانوا عاوزين يسيبوا المصرى وبورسعيد".
وأضافت:" اللى اعرفه وشايفاه ان من قبل ما الدورى يبدأ وهو بيحصله مشاكل كتير ومستحمل حاجات كتير محدش يستحملها من مجلس الادارة وكل الناس اللى حواليه حتى اللى برة الكورة بتنصحه يسيبوا المصرى عشان صحته ونفسيته وكان بيقول مش هسيب جمهور بورسعيد غير لما هما يمشونى".
وتابعت:" مستحمل معاملة ميستحملهاش ناشئ بس هو فعلا جاب اخره وهم اكتر ناس زعلانه ومكتئبة انهم مشيوا وانا عمرى ما شفت بابا عامل كدة.. والناس اللى بتقول انه جرى ورا الفلوس هو جاله عروض اكبر من كدة بكتير فى اوقات سابقة وفى اندية ومنتخبات عربية قوية جدا وكان بيرفض عشان بورسعيد رغم كل المشاكل".
واختتمت نجلة العميد:" احنا عائلته المفروض اكتر ناس تتبسط انه هيمسك نادى فى القاهرة وهنشوفه لأننا كنا بنقعد بالاسابيع والشهور مبنشوفوش بس احنا مقهورين على فراق بورسعيد وان شاء الله هنرجع تانى".
اقرأ أيضًا: دينا الرفاعي .. أستاذة جامعية وتشجع الأهلي وبرشلونة
تابعوا آخر أهل مصر على Google News
