تداول عدد من طلاب وطالبات جامعة الأزهر صورا لإحدي طالبات كلية الطب، قالوا أنها لآثار اعتداء طاقم الأمن الإداري المتواجد بالمدينة الجامعية عليها، وبعثت الطالبة إيمان عبدالرؤف، رسالة إلي الدكتور محمد حسين المحرصاوي، رئيس جامعة الأزهر، نشرت علي إحدي المجموعات على موقع التواصل الاجتماعي "فيس بوك" الخاصة بطلاب الجامعة، جاء فيها: حضرتك يا دكتور لما اسماء الرفاعي قتلت في شقة في العاشر قولت انك هتفتح المدينة لكل البنات عشان تحميهم وتحافظ عليهم.. دلوقتي يا دكتور بنات المدينة بيعتدي عليهم من أمن المدينة ومفيش أي منصف لينا وبيعملوا للبنت إخلاء وماشين في الإجراءات".
وتابعت: "البنوته ف سادسة طب ومحترمة جدا والكل يشهد بأخلاقها في دفعتها وبعد كل ده واحده من أمن المدينه تتعدي عليها بالطريقه البشعة دي عشان خلاف تافه جدا حصل، ومفيش أي مسئول رضي يرجع حق البنت ومن هنا ورايح لو البنت اتعملها إخلاء البنات هتعيش في ذل وهيتعملو بطريقه بشعه وادي أول البشاير وياعالم ايه اللي هيحصل بعد كده".
وسادت حالة من الغضب بين طلاب وطالبات الجامعة منددين بالواقعة ودشنوا هاشتاجات "#أمن_فالكون_يعتدي_ع_بنات_المدينه" ، و #عايزين_حقها_يادكتور، تداولوا خلالها صورا للاعتداء على طالبة كلية الطب.
تابعوا آخر أهل مصر على Google News
