وجه نجم الجيل تامر حسني رسالة خاصة، عقب تحقيق فيلم البدلة لأعلى إيراد في تاريخ السينما المصرية والعربية داخل مصر وخارجها، وذلك عبر حسابه الشخصي بموقع تبادل الصور والفيديوهات الشهير إنستجرام.
كتب تامر حسني: "مساء الورد على أغلى ناس.. في الحقيقه مش بحب أتكلم عن أرقام إيرادات أفلامي بس سامحوني المرة دي مضطر أتكلم وبتكلم وأنا فرحان من كل قلبي، النهارده فيلم البدلة حقق رقم إستثنائي أول مرة يحصل، حقق أعلى رقم في تاريخ السينما المصرية والعربية داخل مصر وخارجها، فكان لازم أفرح ونفرح مع بعض، وكان لازم التاريخ يشهد على التحقيق ده علشان كان حلم من أحلامي لأني في الأصل مطرب.
وتابع قائلاً: "كانت أمنيتي أحقق ده في السينما ومش فكرة إيراد قد ماهو إجماع شعبي جماهيري على الذهاب للفيلم والإشادة به، وثانياً لأنه فكرتي.. وطبعاً ده نجاح كل فريق العمل المحترم.. والروح الجميلة الطيبة اللي كانت بينا هي السبب في ده،
وفرحتي الثانية لإن السنه دي ألبوم عيش بشوقك حقق أعلى مبيعات.. الحمد لله الحمد لله الحمد لله.. أما عن فرحة عمري الكبيرة بالنسبة ليا إن ٢٠١٨ السنة اللي شفت فيها ابني "آدم"، ربنا يحفظه ويجعله ظهر وسند لإخواته ويحميكم ويسعدكم أنتم وأخواتكم وأولادكم وآبائكم.. شكراً".
تابعوا آخر أهل مصر على Google News
