سامح حسين عن "جريما في المعادي": هتضحكوا من قلبكم

شارك الفنان الكوميدي سامح حسين صورة له مع زوجته وصديقة الفنان أشرف عبد الباقي، عبر صفحته الرسمية على موقع الصور"إنستجرام"، وذلك بعد مشاهدته مسرحية "جريما في المعادي"، التي يقدمها "أشرف عبد الباقي"، وفرقته المسرحية الجديدة. وعلق "حسين" على الصورة قائلاً: إمبارح اتفرجت أنا ومراتى على عرض من أحلى العروض المسرحية اللي الواحد شافها في حياته.. حاجة كده محسوبة بالمللي ومحصلتش في مصر قبل كده.. مسرحية جريما فى المعادي (مسرحية كلها غلط) لكن الحقيقة إنها صح الصح.. من غير أي مجاملة اللي هيفوته العرض ده هيخسر كتير.. يلا كل واحد ياخد بعضه هو واللي جنبه ويحجز حالا هتتفاجؤوا من روعته وهتتبسطوا وهتضحكوا من قلبكم.. عرض كله إخلاص واجتهاد وفكر جديد وحاجة تفرح وتشرف.. آخر حاجة المسرحية بتتعرض على مسرح نجيب الريحاني بوسط البلد.

يذكر أن سامح حسين شارك الفنان أشرف عبد الباقى عددا من أجزاء السيت كوم الشهير "راجل وست ستات"، والذى حقق نجاحا كبيرا، وكان بمثابة انطلاقة حقيقية لـ"حسين".