بالفيديو.. أديب: فوز الزمالك بالدوري صدفة تاريخية لن تتكرر

علق الإعلامي عمرو أديب على فوز النادي الأهلي بمسابقة الدوري الـ 38، قائلًا: «الزمالك مش هيشوف الدوري تاني»، مشيدًا بآداء النادي الأهلي.

وأضاف «أديب»، خلال حلقة أمس من برنامجه «القاهرة اليوم»، المذاع عبر فضائية «اليوم»: «لسه في أمل إن الزمالك هياخد الدوري، هتحصل حرب واتحاد الكرة هينضرب بالصواريخ والأهلي مش هياخد الدوري».

وتابع «أديب»: «ألف مبروك للنادي الأهلي، ناس محترمة، إدارة جيدة من أيام عبدالعزيز عبدالشافي، ناس منظمة، ناس مرتبة ناس مش رجل ورا ورجل قدام، ناس كانت بتلعب باتنين لاعيبة بره الملعب بنص الفريق، عبدالله السعيد وحسام غالي والأهلي كان بيلعب وبيكسب».

واستطرد الإعلامي: « لولا اللي عملته إدارة الزمالك في بداية الدوري ده، ماكانش حصل لنا اللي حصل، بس انا تأكدت دلوقت إن حصولنا على الدوري السنة اللي فاتت كان صدفة تاريخية لن تتكرر، انا قلت لحضراتكم إننا هناخد الدوري 10 سنين كمان، كنت غلطان احنا مش هنشوف الدوري تاني، يعني اللي حصل كان استثناءً تاريخيًا ومش هنشوفه تاني».