علق الإعلامي وائل الإبراشي، على انتشار الفنان بيومي فؤاد في السباق الرمضاني الحالي، وظهوره في عدد من الإعلانات قائلًا: «بتفتح البوتاجاز تلاقيه»
ومن جانبه قال الفنان خالد الصاوي، خلال حواره مع الإعلامي وائل الإبراشي، في برنامج «العاشرة مساءً»، المُذاع على فضائية «دريم»: «الفنان بيومي فؤاد فنان هائل، عاوزين الناس تخف شويه عن بيومي فؤاد، ده ممثل رائع، الناس بتفضل تقول كنت فين من زمان وبنبقى بندلل على موهبتنا، وده اللي حصل معايا ومع خالد صالح الله يرحمه، ومع فنانين كتير».
وتابع «الصاوي»: «النجاح أحيانًا يأتي متأخرًا، وعندما يأتي تضطر للعمل في سنتين في أكثر من عمل ثم تبدأ تختار»، مستكملًا: «بيومي فؤاد مفرضتوش علينا الحكومة ولا أمريكا ولا وراه أجندة ده ممثل هايل وأنا اعرفه من أيام ما كان ممثل في فرقة أتيلية المسرح».
واستطرد الصاوي»: «لما تجيله فرصة في السنتين اللي بيعمل فيهم قاعدة انتشار متخبطش فيه، متخبطش في الشخص الغلط في ناس عاملة احتكار من أول اللي بتاكله وتلبسه واللي ساكن فيه وجاي على ده».
تابعوا آخر أهل مصر على Google News
