علقت الفنانة رانيا يوسف، على فستانها المثير للجدل الذي ظهرت به خلال حفل ختام مهرجان القاهرة السينمائي، والذي أثار موجة من الانتقادات من قبل متابعيها، الذين وصفوا الفستان بـ"العاري"، قائلة: "لم أتوقع كل الانتقاد دا.. أنا مش صغيرة عشان أضيع مجهود سنين تعبت فيها عشان ابني فيها اسمي في ظهور غير لائق زي ما اتكتب".
وأضافت رانيا يوسف، خلال مداخلة هاتفية على برنامج "دي إم سي": "اللي حصل إن قماشة الفستان الخارجية غير قماشته الداخلية، فمع الحركة وطلوع السلم، قماشة الفستان حصل فيها مشكلة، فمكنتش عارفة اتصرف وطبيعي كنت قدام الكاميرات".
وتابعت الفنانة المصرية: "وأنا بشتري الفستان قيسته ومكانش فيه حاجة والموديل دا كذا زميلة لبسته، ومكانش فيه مشاكل، المشكلة في خامة القماشة.. أنا عندي بنات عرايس، فمش ممكن كنت أقصد أعمل كدا، حاجة غير مقصودة وظرف أنا اتحطيت فيه وخلاص كنت طلعت السلم، وجيت أظبط نفسي معرفتش".
واستكملت حديثها: "المواقف دي بتحصل لستات كتير، الفساتين التقيلة يحصل فيها دروبات كتير، مرة في مهرجان الأقصر السوستة كلها اتقطعت في المهرجان، أكيد مكانش قصدي وأنا مش ست غبية، وبحافظ على ولادي وأهلي، وحاجة غير مقصودة مني.. ماركة إيطالي، ومن بره وشارياه من دولة عربية بتلبس فيها الفساتين دي عادي، كانت أول مرة البسه وأول مرة أمشي بيه، أنا مقصدش كل اللي حصل دا".
تابعوا آخر أهل مصر على Google News
