تعرض المخرج خالد دياب، إلى عملية سرقة، بسبب إعلانه عن بيع شقته، وهو ما جعل أحد الخليجين، يدعي أنه يرغب في شراء الشقه، ولكن بحيلة "غريبة"، تمكن من السطو على أموال من شنطة زوجة "دياب"، مما جعله ينشر عبر صفحته الشخصية على موقع التواصل الاجتماعي "فيس بوك".
قال دياب: "عارض بيتي اللي عايش فيه للبيع فكلمني مواطن خليجي عايز يشتري البيت وجه اتفرج و عجبه البيت واتفقنا علي السعر ومافاصلش في جنيه وعرض يشتري كمان الفرش فوافقت عشان ما اتعبش في نقل الفرش المهم قالي آخد رأي مراتي في كام حاجه و قام مكلمها في التليفون ووطي صوته فحسيت انه عايز شويه خصوصية فقالي ممكن اطلع ابص علي الاوضه الصغيرة تنفع مربية وإلا لا فسمحتله"
وأضاف "رجع سألني هاتسيب التكيفات قولتله آه ثم هاتسيب التليفزيونات قولتله آه...قولت لعيشة مراتي اطلع اقوله انه ممكن يبني اوضه للمربية في الجنينة و يستغل هو اوض البيت لعيلته يمكن ده يأثر علي قرار مراته في الشرا قالتلي ملوش لزوم... يا عيشة اطلع اقوله البيعه هاتبوظ قالتلي خليها علي الله.. دقايق و نزل قالي تمام مراتي موافقه ساعه و نتقابل في البنك اكون جبت المحامي ان عملي و مش بتاع تضيع وقت... مراتي قالتلي شوفت ربنا سهلها ازاي!.. كان عايز يمشي اصريت يشرب حاجه لغاية ما رضي يشرب شاي.
وتابع مشي و انا طاير من الفرحة و الادرينالين متدفق في عروقي عشان الديل الي الراجل مانزلش فيه جنيه ... نص ساعة و نزلت عشان اقابله في البنك لقيت مراتي بتكلمني بتقولي انت خدت فلوس من شنطتي؟
فجأه انا حصلي فلاش باك صاروخي.. قولتلها روحي شوفي اي فلوس في البيت ناقصة؟ قالتلي ايه؟ زعقتلها قولتلها روحي شوفي اي حاجه ناقصة حالا... رجعتلي بالخبر اليقين.. البرنس سرق كل الفلوس في شنطة عيشه...كلمته في التليفون طبعا مقفول.. عملت سيرش علي رقمه علي ترو كولر طلع خالتي ام علي.
وانهى حديثة قائلاً"القصة بحكيها لواحد من قرايبي قالي حمايه لسه معموله معاه بالنكلة...فلنتعظ من هذه النمره.
الجدير بالذكر ان اخر اعمال المخرج خالد دياب مسلسل "طايع" بطولة عمرو يوسف وإخراج عمرو سلامة، والذي حقق نجاح كبير خلال عرضه في الموسم الرمضاني الماضي.
تابعوا آخر أهل مصر على Google News
