بعد غياب 4 سنوات.. تعرف على رسالة مي كساب عقب الانتهاء من ألبومها الجديد

أعربت الفنانة مي كساب، عن سعادتها البالغة، عقب الانتهاء من تحضير ألبومها الجديد "أنا لسه هنا"، والتي تعود به للغناء بعد غياب استمر لأربع سنوات، ونشرت صورة لها برفقة زوجها أوكا، الذي قام بتوزيع جميع أغاني الألبوم، عبر حسابها الشخصي بموقع تبادل الصور والفيديوهات الشهير إنستجرام.

وكتبت مي كساب: "أنا فرحانه جدًا النهاردة ألف حمد وشكر لله فاضلي أغنية واحدة واخلص الألبوم اللي بقالنا ٤ سنين بنشتغل فيه، حاسه إحساس حلو قوي، بقالي سنين ما حستهوش، ومتفائلة جدًا وحاسة إن ربنا هيكتبلنا النجاح والتوفيق علي أد تعبنا".

وقدمت مي كساب الشكر، لكل من شارك في ألبومها قائلة: "باشكر من قلبي كل الناس اللي وقفت معانا عشان نخلص الألبوم ده، شعراء وملحنين وعازفين ومهندسي الصوت، وطبعًا أخويا محمد حسين اللي طول الوقت بيساعدني، ورامز سليمان الجدع، وهاني عزيز المحترم اللي قدمولي كل الدعم، عشان أخلص الألبوم، وفِي النهايه جوزي حبييي بحبك حب كبير قوي، ربنا وحده اللي عالم انت جوايا ازاي، فرحانة بيك وليك، ربنا يخليك لينا، ودايمًا ضهر وسند ليه، ألبومي كله توزيع موسيقي ورؤيه فنية أوكا، يارب أدينا علي اد تعبنا "أنا لسه هنا" قريبًا بالأسواق 2019".

اقرأ أيضاً...ناهد السباعي تخرج عن صمتها وتوضح حقيقة انفصالها قبل ساعات من الزفاف