أعلن الدكتور محمد عثمان الخشت، رئيس جامعة القاهرة، اليوم السبت، إقامة حفلين للموسيقار عمر خيرت، مجانا لطلاب جامعة القاهرة، بمناسبة مرور ١١٠ عام على إنشاء الجامعة، وأشار الخشت، إلى أن الحفل الاول، سيقام يوم الثلاثاء ٢٥ ديسمبر الساعة السابعة مساء ، والحفل الثاني الأربعاء ٢٦ ديسمبر الساعة السابعة مساء ، مشيرا الى ان الدعوات مجانية برعاية الشباب والمدن الجامعية .
وداعب الخشت طلاب جامعة القاهرة، عبر منشور له على حسابه على الفيس بوك، قائلا :"عاوز اقولكم اني وقت لما كنت طالب زيكم كنت بذاكر كويس جدا وبلعب كويس جدا، ولم يكن هناك تعارض بين المذاكرة واللعب، وكان اللعب بيجدد نشاطي وبيعمل restart لذهني".
وتابع :" كنت بلاقي ان استيعابي بقى أفضل، والضغط العصبي بقى اقل، خاصة ان الضغط العصبي بيزيد عليك لو كنت تنافس على المركز الأول على الدفعة".
وأضاف :"ايه رأيكم تجربوا تعملوا زي ما كنت بعمل، وتعملوا Restart بحفلتين ورا بعض للموسيقار عمر خيرت؟ واللي يحضر واحدة لا يحضر الأخرى عشان يعطي فرصة لبقية زملائه ، وطبعا الحفلتان مجاني ، ولو حد باع التذاكر على القسم على طول".
وتابع :" طبعا انا عارف ان في نوعين، نوع هيقول "شايفين اهو رئيس الجامعة كان بيلعب" ودول أنا عارفهم كويس أوي، اللعيبة اللي مبيذاكروش غير آخر السنة ( ودول ان شاء الله سوف أحولهم مكتب )، ونوع هيقول "احنا هنذاكر فقط"، لكن أنا بقولكم جربوا تذاكروا وتريحوا شوية بموسيقى عمر خيرت ونشوف النتيجة هتبقى إيه".
واختتم كلامه :" عشان احنا دلوقتي بنغير طريقة التفكير وماشين بمبدأ الادارة بالنتائج وصواب أي فكرة بنتائجها على ارض الواقع، وربنا يستر ، لو حد سقط على طول هقول ان الحساب ده fake.
تابعوا آخر أهل مصر على Google News
