عقد مرتضى منصور رئيس نادي الزمالك، جلسة مع لاعبي فريق الكرة الأول بنادي الزمالك، قبل انطلاق المران الجماعي الذي أقيم على ملعب حلمي زامورا اليوم الأربعاء.
وقال مرتضى منصور للاعبين، "أنا جمعتكم انهاردة علشان أشكركم أنتم رجالة..الدوري ضاع عشان الفساد وحكام مرتشية كلكم سمعتو المكالمة التيلفونية الراجل اعترف على صديقه أن شركة فودافون كان ليها هدف انها تعرقل الزمالك للحصول على الدرع".
تابع، "انا انتظرت 3 أيام أن كلب يرد عليا في فودافون أو لجنة الحكام محدش نطق لأن الواقعة صحيحة".
واصل، "لذلك سيتزجه كل من أحمد مرتضى وهاني زادة ونصر عزام لتقديم المكالمة وتسجيل للمباريات اللي الفريق اتظلم فيها لينا ضربات جزاء متحسبوش جون متحسبوش ضربة جزاء حكم يحسبها علينا بالعافية كل ده هيروح للمحكمة.. إحنا مبنسبش حقنا".
أضاف، "المحكمة تحكم ولحسن الحظ الراجل صاحب المكالم هو رئيس رابطة المصرين بسويسرا يعني قاعد جمب المحكمة الرياضية يعني هيروح ويتسأل، والراجل مسيحي ومبيكذبش زينا كدة المسلمين اللي مبيكذبوش، وهنشوف الكلام ده هيمشي ولا مش هيمشي".
تابعوا آخر أهل مصر على Google News
