قالت عبير أحمد، مؤسس اتحاد أمهات مصر للنهوض بالتعليم، إن أغلب أولياء الأمور أكدوا سهولة امتحانات اللغة الأجنبية الثانية خاصة الفرنساوي والإيطالي، بينما واجهتهم صعوبات في بعض أسئلة امتحان مادة اللغة الألمانية.
وأشارت " عبير"، في تصريحات خاصة لـ "أهل مصر"، إلى غضب واستياء أولياء الأمور من تسريب جميع مواد امتحانات اللغة الأجنبية الثانية علي مواقع التواصل الاجتماعي ليلة الامتحان، مؤكدين أن مجهود أبنائهم المجتهدين يضيع بسبب تسريب هذه الامتحانات التي لم تفرق بين الفاشل والمجتهد.
وطالبت وزارة التربية والتعليم بفتح تحقيق عاجل وفوري مع المتسببين في تسريب الامتحانات وإحالتهم للمسئولية القانونية إذا ثبتت الواقعة.
وتفاعل أولياء الأمور علي صفحة "اتحاد أمهات مصر "علي موقع التواصل الاجتماعي "فيسبوك"، حيث قالت ولية أمر: "للأسف القضية إن مش مهم الامتحان اتسرب زي ما الوزير بيقول، ما هو كدا كدا مش في المجموع، لكن للأسف ده فشل قي قياس مدي نجاح التجربة، هيقيس نجاحها ازاي من عدمه بامتحان متسرب؟ هما ليه مصممين علي عدم الاعتراف بالأخطاء والفشل اللي هما فيه.. لمصلحه مين؟".
وأضافت أخرى: "مجهود ابني راح في مذاكرة وفي تعب طول الترم، دلوقتي زي أي واحد مش ذاكر وفلوسه ودروسه ضاعت عليه"، وتابعت ثالثة: "عايزة اعرف هي الوزارة بتعمل كده ليه؟ بعد اللي حصل في العربي كل يوم تسريب الامتحانات، إزاي يعني لمصلحة مين فين رهبة الامتحان؟ وفين العدل؟ كده المستوى بين اللي ذاكر واللي مش ذاكر أصبح واحد، إحنا دفعين دم قبلنا دروس".
واستكملت رابعة: "الامتحان متسرب، البنت بتقول لي صحابها كاتبين الإجابات في الكتاب وخلصوا بعد خمس دقايق، يعني إيه؟ أنا يطلع عيني مذاكرة ودروس وتعب وهما ينقلوا علي الجاهز! هو ده التطوير؟! انا كأم مش فاهمة ليه عامل الامتحان".
تابعوا آخر أهل مصر على Google News
