تزامنًا مع الاحتفالات بعيد الشرطة، أجرت "أهل مصر" عدة لقاءات مع عدد من أمهات وزجات الشهداء، عبرن فيها عن مشاعرهن وماجرى في آخر أيام أبنائهن، كانت منهن والدة الشهيد، كانت منهن السيدة "شيرين" أرملة الشهيد المقدم هشام العزب، حيث هنأت في حديثها كل المصريين بعيد الشرطة، قائلة في تصريحاتها لـ "أهل مصر" إن يوم 25 يناير هو عيد الشرطة وليس عيد ثورة يناير، لأنها كانت ثورة خراب ودمار على مصر، عيد الثورة الحقيقي هو 30 يونيو وهشام استشهد في انفجار ميدان المحكمة 17/8/2015".
وتابعت أرملة الشهيد: "عيد الشرطة بيعدي علينا أنا وبناتي بشكل صعب، اه بنفتقد وجوده معانا وبنكون محتاجينه لكن بحس بالفخر والاعتزاز وبشوفه في كل ضابط شرطة في الشارع بيسهل المرور، بيحمي الحدود في سينا، بيحارب الإرهابيين، دول ناس قدموا حياتهم من غير ما يستنوا أي حاجة، هما بيروحوا للموت مش بيستنوا الموت يجيلهم الشهيد مصطفى عبيد ضحى بنفسه وأنقذ الكنيسة".
وقالت: "هشام كان بيقول احنا هنموت هنموت فالواحد يموت راجل، أنا معايا 3 بنات شهد وجنة وفرح وأحب أشكر الرئيس لأنه دايمًا بيوجه بالاهتمام بأسر الشهداء وأشكر وزير الداخلية اللواء محمود توفيق لأنه في وقت قصير عمل حاجات كتير لأولادنا، في أول يوم مدارس وجه باصطحاب الضباط لأولاد الشهداء والاطمئنان عليهم داخل فصولهم وإقامة حفلات ليهم داخل المدرسة فأصبح أول يوم مدارس مصدر فرحة ليهم عكس ما كان، بطلب من الشعب المصري أن يحافظ على اللي قدمناه ، أنا قدمت زوجي وبناتي قدموا والدهم بطلب منهم كل واحد في مكانه يقدم اللي يقدر عليه، مصر مكملة ومصر جاية رغم كيد الخائنين".
تابعوا آخر أهل مصر على Google News
