أعلن صديق العيسوي، الصحفي بجريدة التحرير، ترشحه في انتخابات التجديد النصفي لنقابة الصحفيين على مقعد العضوية "تحت السن"، وقال العيسوي في كلمة مصورة: "بسم الله الرحمن الرحيم.. اساتذتي وزميلاتي وزملائي الأعزاء .. كل سنه وانتم طيبين، انا مش هقول الكلام الكبير بتاع رشحت نفسي من أجل استعادة هيبة النقابة وكرامتها وقلعة الحريات والكلام إللى بيتنسي بعد ما يتقال ب 5 دقائق ده.. انا قررت أخوض انتخابات مجلس نقابة الصحفيين علشان اقدم حاجه ملموسة لزمايلي.. حاجه خدمية يستفيد منها شباب الصحفيين المطحونيين إللى محدش حاسس بيهم !!".
وأضاف: "للاسف فيه زملاء مرتباتهم ٥٠٠ جنيه و٧٠٠ والله فيه زملاء شباب مرتباتهم ماتعديش ١٠٠٠ جنيه يعني حتى مش محصل الحد الأدنى للأجور.. وياريتهم عاجبين!!".
وتابع،"مش عايز أطول وأقول كلام إنشاء كتير.. لذلك اولى خطواتي خلال الايام المقبلة مقابلة عدد من الوزراء والمسئولين لتسهيل مهمة الصحفيين أثناء تأديتهم عملهم، وسوف اعلن عن كافة التفاصيل الخاصة بتلك المقابلات ونتائجها خلال الأيام القليلة القادمة".
واستطرد،"اتعهد بتقديم خدمات وتيسيرات لكل الزملاء عن طريق التواصل مع وزارات النقل والشباب والرياضة، والصحة ومحافظة القاهرة وهيئة النقل العام، وكذلك تقديم دورات ودبلومات مخفضة في أكاديميات مرموقة معتمدة من وزارة التعليم العالي بالقاهرة والإسكندرية .. الكلام ده هيتعمل ٧٠/ منه قبل الانتخابات ان شاء الله.. أتمني دعمك ومساندتكم فى انتخابات التجديد النصفي لعضوية مجلس النقابة تحت ١٥ سنه .. اخوكم/ صديق العيسوي"
تابعوا آخر أهل مصر على Google News
