لطلاب المدارس.. "هتعمل إيه لو التابلت عطل منك"؟

1- مبدئيًا هتستلم جراب مع التابلت علشان الخدش أو لو وقع، وكمان ثبت فيه القلم اللي استلمته، وخلي بالك اتأكد إن استيك الجراب محطوط في مكانه الصح وانت مش بتستعمل التابلت.

2- لو التابلت هنج ممكن تستشير أخصائي التطوير التكنولوجي في المدرسة، ولو معرفش يساعدك تقدر تكلم 16580 وتدوس علي رقم 9 وخدمة العملاء هيوجهوك تعمل اية، ومتنساش تحافظ علي وصل الاستلام علشان ده ضمان للتابلت.

3- لازم تحافظ علي التابلت وكل محتويات العلبة، دي مسئوليتك لأن جهاز التابلت عليه بنك المعرفة المصري اللي هتمتحن عليه 3 سنين ثانوي، وخلي بالك لازم تتأكد أنه مشحون عشان تستفيد بيه.