تركي آل شيخ يهاجم مجلس الأهلي : "الله يرحمك يا صالح سليم"

هاجم تركي آل شيخ، رئيس الاتحاد العربي لكرة القدم ومالك نادي بيراميدز، مجلس إدارة النادي الأهلي، في بيان نشر على موقع التواصل الاجتماعي "فيسبوك".

وقال آل شيخ : "هوا ماشاء الله لسه فاييقن أن فيه هجوم وإساءة ليكم من رئيس الاتحاد العربي، ولا لما قلت في لقاء تلفزيوني إني من كام يوم إني بفكر استقيل من الاتحاد العربي ... فحبيتو كالعاده تاخذو اللقطة وتطلعو أبطال قدام الجمهور وتلعبو على نغمة احنا اللي مشيناه ... وكمان مش دي البطولة اللي لعبت فيها كذا مباراة قبل كده وطلعت ؟! وهو انت شاركت عشاني ولا عشان مصر وعشان الجايزة اللي بـ٨ مليون دولار؟".

ووأضاف آل شيخ "بعدين لما عرفتو أن اتحاد الكورة حيأجل المتش وده حق مشروع لبيراميدز رحتوا عاملين بطولة ومنزلينها في بيانكم وكأنه مخرج ليكم ؟! عشان ميبانش أن اتحاد الكورة أخذ القرار العادل!، وكمان عاوز اسأل هوا متشنا معاكم كان من غير جمهور الدور الأول ... يبقى من حقنا المتش التاني يبقى بدون جمهور وده الحق الطبيعي اللي لينا ... وانا بسأل للمرة المليون وقدام الجمهور الآن فين قرار قبول الاستقالة من الرئاسة الشرفية؟! ومين اللي خايف يواجه ؟ انا اللي طالبت أن المتش يكون كأس وبنفس التاريخ واتبح صوتي من ١٠ أيام بكده".

واستطرد مالك بيراميدز "مين اللي عاوز يأجل ماتش الزمالك ؟ بعدين انا بستغرب ... أخاف ليه وانا فايز بـ٢ ... وجون من السعيد وجون من أوفر من السعيد ؟ لاعب منتخب مصر اللي اتدفع قيمة ٣ مرات واللي بتحارب فيه واللي رميت بكل الذوق والمبادء ورحت تشتكيه على الفيفا وعلى الأهلي السعودي اللي منه الأمير المرحوم عبدالله الفيصل الرئيس الفخري واللي فيه صالة بأسمه في النادي ! انا فهمت الفيلم اللي كنت بتعمله بس فهمته للأسف متأخر ... إن الهدف أحرق صورتي وكسب بطولة زايفة قدام الجمهور ... الله يرحمك ياصالح سليم ...!".