كشفت الدكتورة منى مينا، وكيل نقابة الأطباء، عن واقعة جديدة للاعتداء على طبيب النساء د. نبيل محمد بمستشفى منيا القمح أثناء النوبتجية. وقالت "مينا" عبر صفحتها الرسمية على موقع التواصل الاجتماعى "فيسبوك": ومازلنا نعانى أن المحضر يتعمل اعتداء على موظف أثناء تأدية عمله، وعلى حد كلام زميلنا المعتدى عليه فى ضغوط كبيرة عليه من كل جانب للتنازل.. الحقيقة نفسى أفهم.. الضغوط دى لمصلحة إيه بالضبط..النتيجة الوحيدة للضغط على زميلنا للتنازل هو تكرار.. وتكرار..وتزايد الاعتداءات.. حقيقى المصريين طيبين وغالبا بعد ما بنهدا مش بنحب نؤذى حد.. بس استمرار هذه الظاهرة "الشاذة".. استمرار الاعتداء على الأطباء أثناء تأدية عملهم.. بيحول المستشفيات لمكان منفلت وعنيف محدش يعرف يشتغل فيه.. وبيكره الأطباء فى شغلهم.. وبيشكل أحد الأسباب الأساسية لهجرة الأطباء غير باكيين على مكان لم يشعروا فيه إلا بعدم التقدير والإهانة".
ومن جانبه شرح الدكتور نبيل محمد، طبيب النساء المعتدى عليه، قائلاً "ناس جاية المستشفى تطعم طفلة مولودة خارج المستشفى يقوم يعجبهم عمليات قسم النسا فيدخلوا ياخدوا فيها جولة،، ولما نقول غلط اللى بتعملوه إنتوا مين وبتعملوا إيه هنا ومين اللى سمحلكم تدخلوا؟ تبقى النتيجة المعتادة إنت مش عارف انت بتكلم مين. إحنا شرطة وهنعمل فيك ونسوى وينضرب الدكتور ويتشتم ويرهبوا طاقم العمل، ويعطلوا سيره، وكالعادة المدير يرفض يعمل محضر باسم المستشفى... وكمان يضغط على الدكتور ويأمره إنه يتنازل ويتصالح مع اللى اعتدوا عليه وأهدروا كرامته... عشان دول يخصوا ناس حبايبه. ده غير ان الشرطة الجميلة قعدت تعطل المحضر حوالى ٥ أو ٦ ساعات ويضغطوا على الدكتور بحجة إن المتهم بلديات عضو مجلس الشعب وهيعرفوا انت فين ومش هيسيبوك، وطبعا يتقلب المعتدى عليه لمتهم".
تابعوا آخر أهل مصر على Google News
