ألقت الطفلة أريج عبد العزيز آدم قصيدة فى حب شهداء مصر وموجهة لكل إرهابى خائن، قائلة: "لكل الجماعات الإرهابية لكل الجماعات التكفيرية لكل الدول العدائية لكل الناس بصفة عامة ومش هتكلم بصفة فردية يعنى لكل البشرية، لا ولم ولن تسقط جمهورية مصر العربية، مهما كانت قوة العدو العددية أو أسلحتهم النووية عشان مفيش غير جمهورية مصر عندها قوة غير عادية، أولها الإيمان برب الناس وثانيها الإيمان والتضحية يا ريت كل الدنيا تفهم لن تسقط جمهورية مصر العربية، لكل الناس لكل إرهابي لكل تكفيري لكل واحد من برا البلد أو من جوا البلد لو فى شهيد مات فى ألف بيتولد، احنا بلد صنعوا التاريخ، لأ احنا أصلاً التاريخ من قبل ما يصنعوا القنابل والصواريخ، لو كنت مش شايف تبقي مكفوف، احنا التاريخ من أيام السيوف، لو حبيت تعمل فى نفسك معروف اتفضل إقرأ التاريخ وشوف".
وتابعت آدم خلال فيديو أذاعه برنامج 90 دقيقة المذاع عبر فضائية المحور تقديم الإعلامية جيهان لبيب، قائلة: "احنا بلد بتعدى الصعب مهما كانت الظروف، لكل التكفيريين لكل الإرهابيين انتوا عارفين بتحاربوا مين؟، المشكلة انكوا فاكرين إن ده من حكم الدين طب اعتبرونى معاكم وهاتولى دين من الأديان بيحلل قتل إنسان عشان كده بنقول على الإرهابى خسيس وجبان، نصيححة حاول تراجع نفسك قبل ما يفوت الآوان، طب هسأل سؤال بتعمل إيه لما بتسمع صوت الآذان؟، بتصلى ولا بدبر لمظاهرة فى كل ميدان؟، أحب أقول لكم مفيش الشعب دلوقتى فاهم مقدر واعي، في ناس كتير منها أنا متغاظ بس أدبى وحيائي مش قادر أقول ألفاظ، انت ليه مش عايز تفهم يا سأيل احنا اللى عبرنا خط برليف وهزمنا إسرائيل".
تابعوا آخر أهل مصر على Google News
