هنأ الإعلامي طارق عبدالجابر، مراسل التليفزيون المصري الأسبق، الشعب المصري بمناسبة حلول عيد الفطر المبارك، موجهًا الشكر للرئيس عبدالفتاح السيسي.
وقال «عبد الجابر» في تصريحات خاصة لـ «أهل مصر»: «أحب أوجه رسالة لكل من يريد العودة إلى مصر من جديد، ويشعر بالخوف أقول له ارجع مصر فيها أمن وأمان، وتقدر ترجع لمصر، وأنا عارف إني هتهاجم على الكلام ده وهيقولوا عليا إن ده نفاق، بس ده مش نفاق».
وأضاف مراسل التليفزيون المصري الأسبق: «عاوز أقول للمعارضين في الخارج، إن تجربة طارق عبدالجابر لما رجع، بفضل ربنا وبعدها موافقة الرئيس عبدالفتاح السيسي، وبمجهود زملاء كثيرين، أحب أقول للناس اللي بره إن بلدنا بحلوها مرها أفضل من أي دولة في العالم».
وتابع «عبد الجابر»: «أنا مواطن مصري وبحب بلدي، أنا مش عاوز حد يطلع ويقول إني تبع أجهزة امنية عشان بقول كلمة صادقة، أنت حبها زي ما أنت عاوز وممكن نختلف في سياسات إنما حب مصر لأ»، مضيفًا: «أنا بشكر الرئيس عبدالفتاح السيسي، والأجهزة الأمينة بعد ما مريت بتجربتي، وبدعو اللي عاوز يرجع لمصر ييجي»
واستطرد: «الرغم من الكبوات الاقتصادية إلا أنه هناك إنجازات كتيرة وحاجات كويسة موجودة في البلد، زي مشروع كوبري الدائري الجديد اللي بيوصل لمطروح والضبعة، ده إنجاز يُحسب للرئيس السيسي».
تابعوا آخر أهل مصر على Google News
