أكملت الشابة ماهيتاب ابنة الفنان ماجد المصري، اليوم الجمعة 1 مارس، عامًا على قرار ارتدائها للحجاب، وهو يوم غير عادي بالنسبة لها، كما أوضحت عبر حسابها بموقع "إنستجرام"، فكتبت ماهيتاب: "زي النهاردة من سنة كان يوم مهم أوي بالنسبة لي، زي النهاردة من سنة كنت قاعدة مع بنات قرايبي في البيت واليوم ده أنا مكنتش مركزة معاهم خالص ولا مركزة مع كلامهم عشان كان في صوت ف وداني مش بيروح كان في صوت في وداني عمال يقولي يالا يالا يالا يالا يالا اتحجبي".
عام على حجاب ابنة ماجد المصري
وتابعت ماهيتاب ماجد المصري كلامها: "كان كل ما حد يسألني سرحانة في ايه كنت بقول اي حاجة تانية مكنتش عايزة اقول عشان مرجعش ف قراري، رواحت البيت بعد الساعة 12 وبقينا يوم 1-3، قررت اني مش حنزل غير بالحجاب وفعلا نزلت بيه والحمد الله انهاردة كملت سنة بالحجاب وكانت احلى سنة والحمدالله مندمتش مرة عال قرار ده ولا حد لعب في دماغي معأن في ناس ساعات تقولي وحشنا شكلك الأول وكلام كدة بس انا مش بزعل عشان عارفة اني فالحالتين الحمدالله شكلي حلو بس الحجاب احلى واحلى ومش حاسة اني اتسرعت ابدا ولا فايتني حاجة خالص، ربنا يديمها نعمة يارب وشكرا لكل حد شجعني ومزال بيشجعني".
تابعوا آخر أهل مصر على Google News
