سما المصري عن مشاركة حلا شيحة لمحمد رمضان: "سيبي الدور لواحدة كومبارس انتي تستاهلي أكتر من كده"

كتب : منى رجب

أعربت سما المصري عن استيائها من مشاركة الفنانة حلا شيحة للنجم محمد رمضان في مسلسل "زلزال" في أول دور لها عقب عودتها للفن وخلعها للحجاب، المقرر عرضه ضمن مسلسلات رمضان 2019، ونشرت "المصري" صورة محمد رمضان وحلا شيحة في كواليس المسلسل، عبر حسابها الشخصي بموقع تبادل الصور والفيديوهات الشهير إنستجرام.

وعلقت سما المصري قائلة: "والله انا شفت الصوره دي امبارح لمحمد رمضان وحلا شيحه كنت عايزه اسال حلا واقولها ((ليه كده؟)) انا كنت ضد خلعك للحجاب اه بس خلاص دي حريتك الشخصيه لكن اول دور تطلعيه يكون مع محمد رمضان وهو عامل دور بلطجي في رمضان؟؟ بلطجي تاني؟؟ اللي علم العيال مسك السنج والسكاكين ويقلعوا هدومهم علي كوبري قصر النيل؟؟ .نفس الموضوع تاني وللاسف الدوله اللي بتنتجله المسلسل دا وإعلام المصريين اللي تبع الدوله، طب ليه ياحلا كده؟؟ سيبي الدور دا لواحده كومبارس انتي تستاهلي اكتر من كده".

وتابعت: "ربنا يستر علي الشباب من الدور اللي هيعمله محمد رمضان في مسلسل زلزال ويخيب املي وماتطلعش بطلجي وعيل سرسجي وشمام ذي الأدوار اللي قبل كده وتعلمهم حاجه مفيده المره دي... بالمناسبه اي عيل نجس سرسجي هيدخل يقل أدبه في التعليق هياخد بلوك في وش امه هيغور...بس كده".

View this post on Instagram

A post shared by سما المصري (@samaelmasrii) on Mar 2, 2019 at 12:34am PST