أبدى المخرج محمد دياب، اعجابه بالبرومو
الدعائي الأول لفيلم "اشتباك"، والمقرر طرحه قريبا بدور العرض.
وكتب "دياب "عبر حسابه على موقع
التواصل الاجتماعي "فيسبوك": "تريلر الفيلم نزل وعاجبني وعامل شغل هايل
مع الناس بس مش عارف انام بسببه! الفيلم فيه اكتر من ٣٠ ممثل رئيسي وكان مستحيل يطلعوا
كلهم في التريلر لأسباب متعددة."
وأضاف قائلا: "الناس دي أوعدكم هتنبهروا بيهم
لما هتشوفوهم ومجهودهم هفضل شايلة ليهم طول عمري ورغم أن التريلر -"اعلان الفيلم"-
من اختصاص الانتاج بس برضه حاسس بمسؤولية، بس اللي مطمني أن كل واحد منهم واخد حقه
بشغله ومجهوده اللي باين في الفيلم وقريب قوي كل الناس هتشوف وهتديكوا حقكوا وزيادة".
وتابع المخرج: "محمد علاء (جاميكا) الممثل
العبقري اللي عمره الحقيقي في التلاتينات وعامل دور واحد في الخمسينيات محدش بيشوف
الفيلم بيخطر علي باله أن ده هو نفس الشخص"، مضيفا: "وغيره أمثله زي عبقريه
جاميكا مش هخلي الفيلم ينزل من غير ما تاخد حقها من الدعاية".
وأردف المخرج: "عاوز اقولكوا حاجه تستحقوها..
مبروك عليكوا تريلر الفيلم بتاعكوا يا أبطال".
يذكر أن فيلم "اشتباك " شارك في مسابقة
"نظرة ما" بمهرجان كان السينمائي الدولي، في دورته السابقة، ويشارك في بطولته
كل من نيللي كريم وهانى عادل وطارق عبد العزيز وغيرهم من النجوم الشباب المشاركين في
العمل، وإخراج محمد دياب.
فيلم "اشتباك" يتناول الفترة السياسية
التي سبقت تولى الرئيس عبد الفتاح السيسي الحكم، وذلك من خلال استعراض رموز مصر في
ذلك الوقت، ويحمل العمل إسقاطًا سياسيًا على أن مصر لن تنجح في الخروج من أزمتها السياسية
والاستمرار في مسيرة التنمية والتقدم إلا باتحاد كل التيارات المختلفة بها.
تابعوا آخر أهل مصر على Google News
