أحد أبطال "أهو ده اللي صار" يجري عملية جراحية في يده (صور)

تعرض الممثل الشاب حازم إيهاب أحد أبطال مسلسل "أهو ده اللي صار"، لكسر في يده اليسرى وأجرى عملية تركيب شريحتين، ونشر حازم عبر حسابه الرسمي بموقع "فيسبوك" بعض الصور له من داخل المستشفى وكتب: "الحمدلله حمدا كثيرا.. من ٣ ايام حصل كسر في ايدي الشمال وركبت شريحتين.. الحمدلله خرجت انهارده من المستشفى".

وتابع: "عايز اشكر خالي وابويا التاني، خالي الجميل اللي تولى الموضوع من اول ما كلمته وقولتله عايزين يحجزوني، خالي اقنعني البس فانلات وانا مبحبهاش، تحيه كبيرة لخالي وزوجته وبناته واهل عليتنا الكرام، انا اسف بس فعلا انا مكنتش قايل لحد ولا حد كان عارف عشان ابويا واخويا مش في البلد ومكنتش عايز اقلقهم".

يشار إلى أن مسلسل "أهو ده اللى صار "يشارك به مجموعة كبيرة من النجوم، منهم روبى ومحمد فراج وأحمد داوود واروى جودة وسوسن بدر وعلى الطيب وهشام إسماعيل ومحمود البزاوى وهبة عبد الغنى وإلهام عبد البديع وعماد إسماعيل، وهو من تأليف عبد الرحيم كمال، وإخراج حاتم علي، ويعرض على قناة ON E.

وتدور أحداث المسلسل فى مائة عام، حول قصة حب تحكى تاريخ مصر والإسكندرية من خلال شخصيات على البحر، "أصداف ونادرة وخديجة هانم ويوسف نوار"، عبر قرن من الزمان، حتى نرى ما الذى صار بين العشاق، وتم التصوير فى عدة مواقع وعلى مدار ستة أشهر كاملة.