رئيس نادي الزمالك: اتحاد الكرة "خرابة"

وصف المستشار مرتضى منصور، رئيس نادي الزمالك، اتحاد الكرة بـ"الخرابة"، وذلك بعد مباراة الزمالك والمقاولون التي أقيمت على ملعب بتروسبورت، وانتهت بتعادل الفريقين الإيجابي، قائلا: "إحنا في فيلم كوميدي، أنا خدت قرار بأنه لن يحكم في أي وقت بعد كده حكم مصري إنتوا يا اتحاد الكورة اللي شوهتوا تاريخ الحكام المصريين".

وأضاف عبر مداخلة له في برنامج "الزمالك اليوم" عبر قناة "المحور": "ده مش اتحاد الكورة ده اتحاد الخرابة"، أنا قايل لأولادي اتعملوا بأدب مش إديلوا بالجزمة، أنا لعيبتي محترمين، يا عصام عبد الفتاح هتطلع تدافع عن حكمك يبقى أنت جبان أو فاسد، الكورة جت في إيد الواد ليه متحسبتش ضربة جزاء".

ووجه حديثه لجمهور الزمالك: "سيبوكوا من جمهور الفيس بوك إحنا عندنا ماتشين مهمين أمام النادي الأهلي وإحنا الأول بفرق نقطتين، لكن نعمل إيه علشان الحكم"، وبقولكم افرحوا بفريقكم واللعيبة الرجالة".