برسالة وأغنية مؤثرة.. تامر حسني يحتفل بعيد الأم (فيديو)

وجه الفنان تامر حسني رسالة لوالدته ووالده في عيد الأم، ونشر مقطع فيديو له وهو يعني أغنية "أمي" بإحساس رائع، عبر حسابه الشخصي بموقع تبادل الصور والفيديوهات الشهير إنستجرام، وعلق تامر حسني على الفديو قائلاً:" كل سنه و كل أم طيبه وربنا يرحم كل أم مش معانا.. كلامي النهارده هيكون خاص بالأم والأب لسبب هقوله في الآخر، وهفضل اوصيكم لحد آخر يوم في عمري عارفين ليه ؟ عشان من خلال تجربتي والناس اللي حاولت تأذيني ظلم في حياتي وصرفوا فلوس كتير عشان يكتبوا عني كلام غلط مش فيا النهارده مش موجودين لا هما ولا اللي صدقوهم".

اقرأ أيضا.. نداء شرارة لـ"أهل مصر": أكبر طموح لي أن أصبح أم

وأضاف تامر حسني: "و ده بفضل سند دعوات أمي و أبويا ايوا إجتهدت وتعبت بس اللي راضي أمه وابوه هيفهم قصدي، كل سنه وانتي طيبه يا أمي يا عظيمه ياللي عمري من خيرك و شكراً يا ابويا يا عظيم على حاجتين، الأولى عشان مجهودك معايا طول حياتي حتى لو كنت احياناً بعيد غصب عنك... والتانيه عشان اخترتلي ان الست العظيمه دي تبقى أمي".

View this post on Instagram

كل سنه و كل أم طيبه وربنا يرحم كل أم مش معانا ... كلامي النهارده هيكون خاص بالأم والأب لسبب هقوله في الآخر .... من يوم ما طلعت وانا بوصيكوا دايماً برضى الوالدين وهفضل اوصيكم لحد آخر يوم في عمري عارفين ليه ؟ عشان من خلال تجربتي والناس اللي حاولت تأذيني ظلم في حياتي وصرفوا فلوس كتير عشان يكتبوا عني كلام غلط مش فيا النهارده مش موجودين لا هما ولا اللي صدقوهم..... و ده بفضل سند دعوات أمي و أبويا ايوا إجتهدت وتعبت بس اللي راضي أمه وابوه هيفهم قصدي. كل سنه وانتي طيبه يا أمي يا عظيمه ياللي عمري من خيرك و شكراً يا ابويا يا عظيم على حاجتين الأولى عشان مجهودك معايا طول حياتي حتى لو كنت احياناً بعيد غصب عنك... والتانيه عشان اخترتلي ان الست العظيمه دي تبقى أمي. و بطلب من ربنا كل يوم وبدعي 🤲🏻 يارب ولادي يحبوني انا و مامتهم زي حبي لابويا وأمي..... كل سنه وانتي طيبه يا ماما بسمه وربنا يحفظك ويخليكي ليا ويقدرني و اسعدكم طول عمري. A post shared by Tamer Hosny (@tamerhosny) on Mar 21, 2019 at 4:39am PDT

واختتم برسالة لأولاده وتهنئة لزوجته بسمة بوسيل قائلاً: "وبطلب من ربنا كل يوم وبدعي يارب ولادي يحبوني انا ومامتهم زي حبي لابويا وأمي..... كل سنه وانتي طيبه يا ماما بسمه وربنا يحفظك ويخليكي ليا ويقدرني و اسعدكم طول عمري".